Նորարարությունների և համակարգային փոփոխությունների խթանում սոցիալական ձեռնարկատիրության միջոցով

5.0

CODE-SE HUB-ի շնորհիվ մեծ թվով աշակերտներ հնարավորություն ունեցան բացահայտելու բիզնեսի աշխարհը, հասկանալու բիզնեսի իրականացման բոլոր փուլերի առանձնահատկությունները և նրբությունները, ու ամենակարևորը՝ բացահայտեցին, թե ինչպես իրենց գործունեության շնորհիվ կարող են ապահովել դրական փոփոխություններ իրենց համայնքային խնդիրների լուծման և զարգացման ուղղությամբ:

Դիանա Ներկարարյան

Մարքեթինգի դասընթացավար

5.0

«Որպես ծրագրի մասնակից ուսուցիչ՝ կարող եմ ասել, որ այս նախաձեռնությունը եզակի էր: Մեր դպրոցում 50+ աշակերտ ստացան գործնական հմտություններ սոցիալական ձեռնարկատիրության բնագավառում: Երեխաները հիմնեցին Bellezza Candles մոմերի արտադրություն և աղբի տեսակավորման ծրագիր Ջրվեժ համայնքում: Նրանք սովորեցին բիզնես պլաններ կազմել և իրականացրին նախագծեր, որոնք լուծում են համայնքային խնդիրներ: Ամենակարևորը՝ աշակերտները հասկացան, որ ձեռնարկատիրությունը կարող է լինել բնապահպանական և սոցիալական ազդեցության գործիք»։

Արայ Հակոբյան

Երևանի Ջրվեժի համար 187 միջնակարգ դպրոցի ուսուցիչ

5.0

«Որպես ծրագրին մասնակցող աշակերտ ես ձեռք բերեցի նոր գիտելիքներ ՍՁ_ների մասին, հնարավորություն ունեցա շփվել տարբեր ոլորտի մասնագետների հետ ովքեր նոր տեղեկությունների աղբյուր դարձան ինձ համար։Ես ձեռք բերեցի թիմ կազմելու  ու նրանց՝ հետ աշխատելու փորձ , ամենակարևորը ես նկատեցի իմ սխալները։
Ծրագիրը մոտիվացնող էր,և ես ձեռք բերեցի նոր գաղափարներ որոնց համար շատ շնորհակալ եմ»։

Լիդա Մուրադյան

Վերին Գետաշենի N2 միջնակարգ դպրոցի աշակերտ

5.0

ՔՈԴԵ-ի ծրագրերը անչափ կարևոր էին աշակերտների հետագա մասնագիտական կողմնորոշման հարցում։ Ծրագրի իրականացման ընթացքում աշակերտները կարողացան զարգացնել իրենց գիտելիքները սոցիալական ձեռնարկատիրության և բիզնես  պլանների մշակման ասպարեզում։ Աշակերտները կարողացան վեր հանել համայնքում առկա սոցիալական խնդիրները և առաջարկել դրանց լուծման սեփական մոտեցումները։ Դասընթացը հնարավորություն տվեց աշակերտներին առաջարկել աշակերտական սոցիալական ձեռնարկատիրության սեփական մոդելները, որոնք օգուտ կբերեն և՛ իրենց , և՛ համայնքին։

Աննա Ստեփանյան

Վերին Գետաշենի N2 միջնակարգ դպրոցի ծրագրի կուրատոր

5.0

Ես, մասնակցելով սոցիալական ձեռնարկատիրության դասընթացներին, սովորեցի մի շարք կարևոր բաներ սոցիալական ձեռնարկատիրության և ընդհանուր բիզնեսի մասին։ Ես իմացա, որ բիզնեսի միջոցով կարելի է նաև օգուտ տալ համայնքին ու լուծել թեկուզ մեկ սոցիալական խնդիր։ Ես շնորհակալ եմ բոլոր մենթորներին, ովքեր արեցին ամեն ինչ այս ամենը մատչելի բացատրելու համար։

Կնյազ Սալոյան

Աշակերտ, Ամբերդի Հ. Նավասարդյանի անվան միջնակարգ դպրոց

5.0

Մեր դպրոցի մասնակցությունն այս ծրագրին դարձավ մեծ հնարավորությունների սկիզբ։ Որպես տնօրեն՝ մեծ գոհունակությամբ կարող եմ նշել, որ ծրագիրը նշանակալի ազդեցություն ունեցավ ինչպես աշակերտների, այնպես էլ ամբողջ դպրոցական համայնքի վրա։ Մեր սովորողները ձեռք բերեցին ոչ միայն գործնական հմտություններ բիզնես պլանավորման և թիմային աշխատանքի ոլորտում, այլև գիտակցեցին, որ իրենց գաղափարներն իսկապես կարող են փոխել համայնքը։Այս նախաձեռնությունը սովորողներին տվեց վստահություն, նախաձեռնողականություն և պատասխանատվության զգացում։ Մենք հավատում ենք, որ նման ծրագրերը կրթության կարևորագույն բաղադրիչն են՝ կապելով տեսական գիտելիքը իրական կյանքի հետ։

Նաիրա Հարությունյան

Վանաձորի Դ․Վարուժանի անվան №16 հիմնական դպրոցի տնօրեն